Autoritetet irakiane ende nuk kanë lëshuar ndonjë deklaratë në lidhje me sulmin
Selia e Brigadës së 30-të të Forcave të Mobilizimit Popullor (PMF) e njohur edhe si Hashd al-Shaabi në Mosul të Irakut u shënjestrua nga një sulm ajror, transmeton Anadolu.
Sipas informacionit të marrë nga Agjencia Anadolu nga burime sigurie, dy sulme të ndara ajrore u kryen në selinë e vendosur në Sehil Ninova, pranë Mosulit.
Burimet që kërkuan anonimitet nuk dhanë informacion se kush e kreu sulmin ose nëse pati viktima.
Ndërkohë, një video që qarkullon në mediat sociale, që dyshohet se është regjistruar pas sulmit në selinë e PMF-së, tregon tym të dendur që ngrihet nga zona.
Autoritetet irakiane ende nuk kanë lëshuar ndonjë deklaratë në lidhje me sulmin.
Në Irak, grupet e armatosura të mbështetura nga Irani që luftojnë organizatën terroriste ISIS janë të bashkuara nën ombrellën e PMF-së, e cila mori statusin zyrtar nga shteti irakian në vitin 2016. Megjithëse zyrtarisht e lidhur me shtetin irakian, PMF është e njohur për veprimet autonome të grupeve të saj të armatosura të mbështetura nga Irani.
