Italiani i pastrehë Gianluigi, i njohur si Cassano, do të marrë 30 mijë eurot që fitoi muajin e kaluar, të cilat nuk mund t’i paguheshin pasi dokumentet e tij personale ishin të vjetruara.
Ai më 24 tetor ka fituar 37 mijë euro premisë për një biletë për të cilën ka paguar 1.5 euro dhe në fund pasi të ketë zbritur taksat do të fusë shtatë mijë më pak në xhep.
“Për të mbledhur fitimet, duhet një certifikatë shëndetësore, por unë nuk kam një të tillë. Kam vetëm një numër të vjetër tatimor që është i pavlefshëm,” tha Gianluigi ndërsa kishte ende probleme me mbledhjen. Në fund, autoritetet lokale e takuan dhe i mundësuan të merrte paratë.
Pas kësaj fitoreje, Gianluigi doli edhe tri herë të tjera, duke fituar gjithsej 200 euro, kështu që e kaloi natën e së premtes në hotel, si dhe 25 dhe 26 nëntor.
“Kam fjetur ngrohtë dhe në shtrat”, shpjegon një Cassano i lumtur, i cili shton se ka marrë një dhomë pak më të lirë, sepse duhet të kursejë edhe pse kohët e fundit ka bërë para.
Ai i ka të qarta idetë se si do t’i shpenzojë 30 mijë eurot.
“Së pari duhet të marr një shtëpi me qira dhe po e kërkoj në Senigalia, qytet ku më kanë pritur shumë miq që më kanë ndihmuar, qoftë edhe financiarisht. Dua të vendosem këtu që më pas të mund të aplikoj për banesa publike.” tha ai.
Plani i tij është të gjejë një punë në të ardhmen në mënyrë që të mund të mbajë veten kur t’i mbeten pa para.
