Rıfat Özdemir nga Kayseri, i cili thotë se për shkak të ngjashmërisë me Jeffrey Epstein përballet me shikime negative nga rrethi i tij, deklaroi se kjo situatë e shqetëson. Özdemir tha se, për t’u larguar nga kjo ngjashmëri, do të ndryshojë stilin e flokëve dhe do të bëjë ndryshime në pamjen e jashtme.
55-vjeçari Rıfat Özdemir, që jeton në Kayseri, ka telashe për shkak të kësaj ngjashmërie. Özdemir, i cili i ngjan miliarderit Jeffrey Epstein — i cili u gjet i vdekur në burg teksa gjykohej i arrestuar për krime të abuzimit seksual ndaj vajzave të mitura — tha se ndihet i parehatshëm për shkak të shikimeve negative të njerëzve ndaj tij.
Özdemir u shpreh: “Qytetarët filluan të më shikonin me një imazh të ashpër. Fillimisht ishte nipi im që më krahasoi dhe më tha: ‘Dajo, ti i ngjan shumë Jeffrey Epstein-it’. Unë nuk e dija kush ishte Epstein. Më pas e kërkova në lajme dhe mësova nga rrjetet sociale se kush ishte. Nuk dua të krahasohem me një njeri të tillë. Ju lutem, mos më krahasoni me njerëz të tillë. Unë jam një qytetar i thjeshtë, që merrem me punën time. Mund të ketë ngjashmëri, por kjo për mua është një ngjarje e pafat. Më ka ndikuar negativisht në jetën time.”
“Kur ec në rrugë, njerëzit më shikojnë me një imazh të ashpër. Nuk ka ndonjë sulm verbal, por shikimet të shqetësojnë. Njerëzit, me një ton të habitur, thonë ‘i ngjan Epstein-it’. Kur ma thonë këtë, më mërzitet, sepse nuk është një njeri i mirë. Të krahasohesh me të nuk është diçka e këndshme,” tha ai.
“JU LUTEM, MOS MË KRAHASONI ME EPSTEIN-IN”
Duke iu drejtuar publikut, Rıfat Özdemir tha: “Ju lutem, mos më krahasoni me Epstein-in. Që nga ky moment, kam vendosur të bëj të gjitha ndryshimet e mundshme te vetja dhe do t’i bëj. Do të ndryshoj modelin e flokëve, do të lë mjekër. Do të merrem pak me këtë derisa situata të bjerë nga vëmendja. Nuk më pëlqen të lë mjekër, por po e mendoj. Deri tani nuk kam lënë kurrë mjekër.”
“Do t’u jap flokëve një stil tjetër dhe do të përpiqem të largohem nga ngjashmëria me atë njeri. Nuk e di si ta ndryshoj shprehjen e fytyrës. Edhe rrudhat e fytyrës janë pothuajse identike. Askush nuk më ka sharë apo më ka ofenduar, por më shikojnë me një imazh të ashpër. Nga shikimet e tyre e ndiej se çfarë mendojnë. Unë nuk jam Epstein. Nga Kayseri nuk dalin njerëz kaq të këqij,” përfundoi ai.
