Në Japoni, mungesa e varrezave për komunitetin musliman po krijon shqetësim. Rreth 99% e varrezave përdoren nga besimtarët budistë dhe shintoistë, gjë që ka bërë që muslimanët të kërkojnë hapjen e një varreze të re. Çështja ka arritur deri në Parlamentin Japonez, ku disa figura politike shprehën qëndrime kontraverse.
Mizuho Umemura, një anëtare e parlamentit që u shpreh kundër kërkesës, deklaroi: “Duhet të veprojmë duke marrë shembull nga ajo që ndodh në Perëndim.” Ajo shtoi: “Në këtë vend ku kemi filozofinë ‘Në Romë, vepro si romakët’, muslimanët ose do të digjin trupat e të vdekurve, ose do të udhëtojnë në vendet e tyre për t’u varrosur.”
Ndërkohë, ndërsa popullsia myslimane në Japoni po rritet shpejt, shtatë varrezat që janë të dedikuara për ta në gjithë vendin po përballen me probleme kapaciteti.
