Sipas raportimit të gazetës izraelite Haaretz, Ministria izraelite e Mbrojtjes vitin e kaluar ka rritur ndjeshëm numrin e lejeve për eksport dhe marketing të sistemeve të mbrojtjes ajrore, ndërsa rritje e kërkesës është regjistruar nga Gjiri Persik deri në Evropë dhe Kaukaz.
Sipas të dhënave të siguruara nga TheMarker, Agjencia izraelite për Kontrollin e Eksportit të Armëve gjatë vitit 2025 u ka lëshuar kompanive izraelite leje eksporti për sisteme të mbrojtjes ajrore për 20 shtete. Një vit më herët ky numër ishte shtatë, ndërsa në vitin 2023 ishte 12.
Në të njëjtën kohë, numri i lejeve të marketingut është rritur në 74, krahasuar me 56 në vitin 2024 dhe 19 në vitin 2023.
Leja e marketingut i mundëson kompanisë që përmes ndërmjetësve ta prezantojë sistemin në një shtet të caktuar ose t’i organizojë demonstrim një klienti potencial.
Leja e eksportit nënkupton se kompania mund të hyjë në negociatat përfundimtare për lidhjen e marrëveshjes. Ndërkohë, segmentet e tjera të industrisë ushtarake izraelite nuk kanë ndjekur të njëjtin ritëm rritjeje. Tek dronët është regjistruar një rritje prej gjashtë për qind e lejeve të marketingut, por pa rritje të numrit të lejeve të eksportit.
United Arab Emirates, sipas mediave të huaja, përdorin ose janë në proces të blerjes së sistemeve si Iron Dome, Iron Beam dhe Spectro për zbulimin e dronëve.
Ndërkohë, Gjermania ka zgjeruar marrëveshjen e madhe për blerjen e sistemit Arrow, ndërsa Slovakia, Qipro, Azerbajxhan dhe Marocco kanë blerë sistemin Barak të kompanisë Israel Aerospace Industries.
Vlerësimet tregojnë se eksporti total ushtarak i Izraelit gjatë vitit 2025 mund të arrijë në 18 miliardë dollarë, që është tre miliardë më shumë se një vit më parë, respektivisht një rritje prej 20 për qind.
Kritikët paralajmërojnë për kontroll të dobët të dhënies së lejeve dhe pretendojnë se eksporti masiv vë në pikëpyetje vizionin e kryeministrit Benjamin Netanyahu për një industri vendore të armatimit plotësisht të pavarur.
