Al Hadath ka raportuar, duke iu referuar burimeve palestineze, se krahu i armatosur i Hamasit, Brigadat Al-Qassam, ka hapur dyert për rekrutimin e afërsisht 30.000 të rinjve në Rripin e Gazës.
Gjithashtu, burimi ka theksuar se shumica e këtyre luftëtarëve tashmë kanë kaluar një trajnim të mëparshëm në kampet e trajnimit që Brigadat Al-Qassam i organizojnë çdo vit në mënyrë të fshehtë.
Është theksuar se rekrutëve të rinj u mungon specializimi, pavarësisht trajnimeve për luftë guerile, përdorimin e raketave kundër tankeve dhe vendosjen e pajisjeve shpërthyese.
Po ashtu është konfirmuar se Brigadave Al-Qassam u mungojnë shumë armë, veçanërisht dronë dhe raketa me rreze të gjatë veprimi, dhe se kanë filluar të riciklojnë mbeturinat e raketave për t’i përdorur në prodhimin e pajisjeve shpërthyese tokësore.
Nga ana tjetër, burimet izraelite kanë deklaruar se ushtria izraelite ka thirrur mijëra rezervistë dhe ka zhvendosur trupa nga fronte të tjera drejt Rripit të Gazës.
