Një grup grash nga Groenlanda po kërkojnë kompensim nga Danimarka për një fushatë të kontracepsionit të detyruar të kryer gjatë viteve 1960.
Meqenëse raporti zyrtar nga qeveritë e Grenlandës dhe Danimarkës nuk do të publikohet deri në maj të vitit 2025, grupi tani po kërkon kompensim, duke qenë se disa nga gratë janë tani në të 70-at dhe 80-at e tyre.
“Ne e dimë qartë se ka pasur shkelje të ligjit dhe të drejtave të njeriut,” tha Naja Lyberth, një nga gratë që kërkon kompensim.
Skandali u bë publik vitin e kaluar kur televizioni danez zbuloi se midis viteve 1966 dhe 1970, 4,500 DIU u implantuan tek gratë dhe vajzat, duke përfshirë ato deri në 13 vjeç, pa dijeninë ose pëlqimin e tyre.
Qeveria daneze dhe ajo e Grenlandës bashkëpunuan me grupin hetimor për të zbuluar shtrirjen e këtij rasti. Groenlanda fitoi kontrollin mbi sistemin e saj të kujdesit shëndetësor në 1991.
Çdo grua tani kërkon një kompensim prej 300,000 korona daneze (40,216 euro), dhe avokati i tyre Mads Pramming paraqiti kërkesat në emër të viktimave në zyrën e kryeministrit Mette Frederiksen sot.
Grenlanda ishte një koloni daneze deri në vitin 1953, por tani është një territor gjysmë sovran i Danimarkës me një popullsi prej vetëm 57,000 banorësh. Vitet e fundit janë shfaqur akuza për veprimet e qeverisë daneze ndaj njerëzve nga ish-kolonitë e saj.
Vitin e kaluar, Danimarka kërkoi falje publike për viktimat e eksperimenteve në vitet 1950, gjatë të cilave fëmijët nga Groenlanda u transferuan në Danimarkë.
