Ministri i Punëve të Jashtme i Turqisë, Hakan Fidan, ndodhet në mes të një maratone intensive diplomatike me qëllim qetësimin e tensioneve rajonale që rrezikojnë të dalin jashtë kontrollit.
Ndërsa Irani po tronditet nga trazirat dhe Uashingtoni po dërgon paralajmërime të ashpra, Ankaraja ka marrë rolin e ndërmjetësuesit kyç për të parandaluar një konflikt të ri pranë kufijve të saj.
Sipas informacioneve nga burime diplomatike, dinamika e zhvillimeve gjatë 24 orëve të fundit tregon qartë seriozitetin e situatës. “Diplomacia shatll” e Fidanit është zhvilluar në disa faza.
Ministri i Punëve të Jashtme i Turqisë, Hakan Fidan, ndodhet në mes të një maratone intensive diplomatike me qëllim qetësimin e tensioneve rajonale që rrezikojnë të dalin jashtë kontrollit.
Ndërsa Irani po përballet me trazira të brendshme, e Uashingtoni po dërgon paralajmërime të ashpra, Ankaraja ka marrë rolin e ndërmjetësuesit kyç për të parandaluar një konflikt të ri pranë kufijve të saj.
24 orë ofensivë diplomatike
Sipas burimeve nga qarqet diplomatike turke, Fidan gjatë 24 orëve të fundit ka zhvilluar një sërë bisedash kyçe që ilustrojnë seriozitetin e situatës.
Sipas informacioneve nga burime diplomatike, dinamika e ngjarjeve gjatë 24 orëve të fundit tregon qartë rëndësinë e situatës. “Diplomacia shatll” e Fidanit është zhvilluar në disa faza. Fillimisht ai ka zhvilluar një bisedë telefonike me zyrtarë të Arabisë Saudite; ka biseduar dy herë me homologun iranian Abbas Araghchi; ka mbajtur një takim me ambasadorin amerikan në Turqi, Tom Barrack, dhe ka paralajmëruar një fluturim urgjent drejt Emirateve të Bashkuara Arabe (EBA).
Burimet theksojnë se gjatë bisedës me ministrin iranian Araghchi, Fidan ka nënvizuar rëndësinë e negociatave si rruga e vetme për uljen e tensioneve. Kjo ishte biseda e tyre e dytë brenda vetëm një dite, çka tregon urgjencën e situatës në Teheran.
Iniciativa diplomatike e Ankarasë vjen në një kohë kur presidenti amerikan Donald Trump kërcënon me përdorimin e forcës ndaj Teheranit nëse vazhdon, siç thotë ai, “përdorimi joproporcional i forcës” ndaj demonstruesve. Trump ka theksuar se Uashingtoni së shpejti do të “ndihmojë demonstruesit iranianë”, gjë që shumë analistë e kanë interpretuar si sinjal për një goditje të mundshme ushtarake ndaj udhëheqjes iraniane.
Frika nga përshkallëzimi është e arsyeshme duke pasur parasysh të kaluarën e afërt. Administrata Trump kishte goditur tashmë objektet bërthamore iraniane me bombardues gjatë konfliktit dymbëdhjetëditor ndërmjet Izraelit dhe Iranit në qershor 2025. Meqë protestat në Iran, të nxitura nga rënia e rialit dhe gjendja e rëndë ekonomike, po përhapen nga Teherani në qytete të tjera, rreziku i ndërhyrjes së jashtme po rritet sërish.
Zyrtarët iranianë kanë akuzuar SHBA-në dhe Izraelin se qëndrojnë pas “trazirave” dhe “terrorizmit”, ndërsa Uashingtoni vazhdon të rinovojë kërcënimet për shkak të aktiviteteve bërthamore iraniane.
Qëllimi kryesor i Turqisë është ruajtja e stabilitetit në rajon, duke u bërë thirrje të gjitha palëve për përmbajtje dhe dialog. Turqia ka biseduar për këto çështje edhe me Shtetet e Bashkuara. Takimi i Fidanit me ambasadorin Barrack, i cili është gjithashtu i dërguari special për Sirinë, është zhvilluar vonë më 13 janar, ndonëse detajet nëse Irani ishte temë direkte e bisedimeve nuk janë konfirmuar zyrtarisht.
Ömer Çelik, zëdhënësi i Partisë për Drejtësi dhe Zhvillim (AKP), ka theksuar se Turqia po e ndjek me vëmendje zhvillimin e ngjarjeve.
“Irani duhet t’i zgjidhë problemet e veta, si shtetërore ashtu edhe shoqërore, me mjetet e veta. Ndërhyrja e jashtme do të sillte pasoja negative dhe nuk do të ishte legjitime. Ne nuk duam të shohim shkëndija kaosi në Iran”, deklaroi Çelik.
Misioni diplomatik vazhdon pa ndërprerje. Hakan Fidan sot, më 14 janar, ndodhet në Emiratet e Bashkuara Arabe. Atje ai do të takohet me ministrin e jashtëm Abdullah bin Zayed bin Sultan Al Nahyan. Në tryezë janë çështjet bilaterale dhe ato rajonale, ndërsa situata në Iran, bashkë me vatrat e krizës në Jemen, Somali dhe Sudan, do të jenë tema prioritare.
