Ushtria ruse sulmoi qytetin Kostyantynivka pak orë më parë. Është goditur tregu në qendër të qytetit dhe deri më tani janë konfirmuar të vdekur 16 persona.
Një ditë më parë, trupat ruse bombarduan me artileri Kostyantynivka dhe Shakhtarske në rajonin e Donetskut, duke plagosur pesë persona.
Rajoni i Donetskut është i ekspozuar ndaj bombardimeve ruse çdo ditë, duke rezultuar në vdekje dhe plagosje të civilëve.
‼️ The moment of the Russian strike on the market in #Kostyantynivka. pic.twitter.com/6QutxR3ybs
— NEXTA (@nexta_tv) September 6, 2023
Në të njëjtën kohë, Moska mohon të bombardojë popullsinë civile në Ukrainë.
Presidenti i Ukrainës Volodymyr Zelensky shtoi se 20 persona të tjerë u plagosën gjatë sulmit në treg.
“Kjo e keqe ruse duhet të mposhtet sa më shpejt të jetë e mundur”, tha Zelenski.
‼️ Russian occupiers hit the central market in #Kostyantynivka. There were many people in the market at the time of the strike. It is reported that there are victims. pic.twitter.com/oB2aRJwddo
— NEXTA (@nexta_tv) September 6, 2023
Në fund të gushtit, Zyra e Komisionerit të Lartë të Kombeve të Bashkuara për të Drejtat e Njeriut (OHCHR) konfirmoi vdekjen e 9,511 dhe plagosjen e 17,206 civilëve në Ukrainë si rezultat i pushtimit në shkallë të gjerë. Organizata thekson se numri aktual i viktimave është shumë më i lartë.
