Drejtori ekzekutiv i JP Morgan, Jamie Dimon, i afërt me ish presidentin amerikan Barack Obama, kritkoi demokratët dhe mediat e afërta me ta se po gabojnë në qasjen e tyre ndaj mbështetësve të ish presidentit Donald Trump që me shumë gjasë do të jetë përsëri kandidat për president në nëntor, transmeton Gazeta Metro.
Dimon direkt i kritikoi mediat sa ishte i ftuar në televizionin CNBC, i njohur për qasjen anti Trump, kur u tha se Demokratët po i keqtrajtojnë votuesit e Trump me të padrejtë pasi ai kishte të drejtë për shumë çështje me peshë.
Dimon e tha këtë në panelin e ‘Squawk Box’ të CNBC në Davos të Zvicrrës ku janë mbledhur elita e biznesit dhe politikës në konferencën e Forumin Ekonomik Botëror (WEF). Miliarderi u pyet për rolin që do të luaj ekonomia në zgjedhjet presidenciale ku nuk ishte edhe aq optimist rreth pozitës së SHBA\së për shkak të shumë çështjeve me të cilat do të ballafaqohet vendi në dy vitet e ardhshme.
Tutje ai ua përplasi Demokratëve që po përqendrohen gjatë fushatës së tyre të 2024’së duke kritikuar mbështetësit e ish presidentit amerikan Donald Trump, që përbënin gati 75 milionë votues më 2020’në.“Dëshiroj që Demokratët të mendohen pak më me kujdes kur flasin rreth MAGA” tha Dimon e shtoi se “kur njerëzit e përmendin ‘MAGA’, ata po iu drejtohen njerëzve që votuan për Trump, dhe thjeshtë po i bëjnë koka turku, duke iu thënë ‘ju jeni si ai’”.
Më tutje ai shpjegoi se votuesit konservator e votuan Trump për shkak të politikave dhe qëndrimeve të tij rreth çështjeve të caktuara, që doli se kishte të drejtë.
“Por unë nuk mendoj se ata po e votojnë Trump për shkak të vlerave të tij familjare. Ngadalësoni pak e shikoni me sinqeritet. Ai kishte të drejtë disi për NATO, kishte të drejtë për imigrimin, e rriti ekonominë mjaft mirë, reforma e tatimit funksionoi, kishte të drejtë edhe për disa gjëra rreth Kinës”.
