Ushtarët bastisën shtëpitë e të burgosurve palestinezë të cilët u liruan dje, dhe i paralajmëruan banorët të mos “festonin ose mblidheshin”
Ushtarët izraelitë bastisën shtëpitë e disa të burgosurve të liruar dje në Bethlehem, në Bregun Perëndimor të pushtuar, duke plagosur një palestinez me municion luftarak, transmeton Anadolu.
Sipas agjencisë palestineze të lajmeve WAFA, ushtarët izraelitë bastisën Kampin e Refugjatëve Al-Dhayshah në jug të Bethlehemit.
Ushtarët bastisën shtëpitë e të burgosurve palestinezë, Nidal Abu Akr, Rabi Ibrahim Rabi dhe Sabir Mohammad Musalime, të cilët u liruan dje, dhe i paralajmëruan banorët të mos “festonin ose mblidheshin”.
Para se të tërhiqeshin nga shtëpitë, ushtarët hapën zjarr ndaj palestinezëve pa dallim, duke plagosur një person.
Ushtarët izraelitë bastisën gjithashtu qytetin Tubas dhe qytetin Tamun. Patrulla ushtarake dhe njësi këmbësorie u vendosën në rrugë, dhe disa shtëpi u bastisën.
