Një ish-nxënës hapi zjarr të martën në një shkollë të mesme në juglindje të Turqisë, duke plagosur të paktën 16 persona para se të kryente vetëvrasje.
Sulmuesi 18-vjeçar, i armatosur me një pushkë gjahu, qëlloi në mënyrë të rastësishme në një shkollë të mesme profesionale në Siverek, në provincën e Şanlıurfa-s, pranë kufirit me Sirinë, para se të fshihej brenda ndërtesës.
Më vonë, ai kreu vetëvrasje me të njëjtën armë, tha guvernatori Hasan Şıldak.
Ndër të plagosurit është edhe një mësues që ndodhet në gjendje të rëndë, raportoi televizioni NTV.
