Agjencia e OKB-së për refugjatët palestinezë ka konfirmuar se një shkollë që ajo menaxhon në pjesën veriore të Rripit të Gazës është shkatërruar nga një shpërthim.
Juliette Touma, drejtore e komunikimit për Agjencinë e Kombeve të Bashkuara për Ndihmën dhe Punët (UNRWA), tha se disa objekte të OKB-së u “goditën drejtpërdrejt” nga shpërthimi në veri të Gazës dhe “disa u goditën më shumë se një herë”.
“UNRWA po ndan koordinatat e të gjitha objekteve të saj në të gjithë Rripin e Gazës me të gjitha palët në konflikt,” tha Touma.
⚡️Radical zionist terrorists conduct an airstrike on one of the UN refugee school in the northern Gaza Strip. The genocide continues. pic.twitter.com/0ANW22NLwb
— War Monitor (@WarMonitors) December 12, 2023
Ajo shtoi se objektet e OKB-së duhet të mbrohen në çdo kohë dhe të mbahen nga rreziku. Dështimi për ta bërë këtë është shkelje e ligjit humanitar
“Të gjitha rregullat e luftës janë thyer,” tha Touma.
Forcat izraelite pretendojnë se Hamasi qëlloi mbi ushtarët e tyre nga ndërtesa.
Shkolla ndodhet në Beit Hanoun, një qytet në pjesën verilindore të Rripit, afër kufirit me Izraelin.
Shpërthimi besohet të jetë shkaktuar nga një sulm ajror izraelit, por Touma nuk konfirmoi se çfarë e shkaktoi shpërthimin.
