Studentët serbë e njoftuan se protesta do të mbahet në Beograd të shtunën para ndërtesës së të ashtuquajturës ‘Zyrë për Kosovë e Metohi’ në mbështetje të kolegëve dhe popullit serb në Kosovë
Sipas njoftimit zyrtar në Instagram studentët në bllokadë protestojnë para ‘Zyrës për Kosovë e Metohi’ në Beograd pasi konsiderojnë se qeveria serbe i ka braktisur popullatën serbe në Kosovë e lënë pa mbështetje.
“Ne studentët në bllokadë, që angazhohemi për një shtet ligjor dhe respektim të Kushtetutës, e kemi për detyrë t’i përkujtojmë publikut se Universiteti në Prishtinë është pjesë e sistemit tonë universitar dhe të solidarizohemi me kolegët tanë që së bashku ta largojmë terrin mediatik”.
Më teje shkruajnë se duhet vetëdijësuar për represionin dhe problemet në përditshmërinë e serbëve në Kosovë dhe se refuzojnë fuqishëm të heshtin para padrejtësisë duke shtuar se pushteti serb në Beograd i ka braktisur serbët dhe i “shfrytëzon vetëm propagandë elektorale duke e injoruar faktin se ndihma e shtetasve të tyre është obligim moral e ligjor.”
Protestuesit në Serbi jo rrallë herë janë kritikuar për qasjen e tyre ultranacionaliste në demonstrata me parulla e qëndrime fashiste serbe. Kritika ndaj tyre kishte se po luftojnë vuçinizmin me vuçinizëm.
