Ylli i madh Cristiano Ronaldo ka dërguar një paralajmërim për kundërshtarët e tij duke theksuar se “është ende i etur për më shumë”, pasi arriti golin e tij të 950-të në karrierë në fitoren e Al-Nassr-it 2-0 kundër Al-Hazm.
Portugezi i jashtëzakonshëm kështu iu afrua shifrës prej 1000 golash në karrierë dhe tani i mungojnë vetëm edhe 50 gola. Katërdhjetëvjeçari shënoi golin e tij të gjashtë në po aq ndeshje, ndërsa Al-Nassr e ka nisur sezonin 2025–26 me përqindje të plotë fitoreje.
Pas performancës së tij të fundit të jashtëzakonshme para portës, kapiteni i kombëtares portugeze, Ronaldo, u shpreh në rrjetet sociale për të dërguar një mesazh kundërshtarëve të ardhshëm, duke thënë se nuk ka ndërmend të ngadalësojë – as për klubin, as për përfaqësuesen.
Pasi në fundjavë u dëgjua fishkëllima përfundimtare e ndeshjes, Ronaldo shkroi në Instagram:
“Jam i lumtur që ndihmova ekipin të fitojë dhe që arrita 950 gola! Gjithmonë jam i etur për më shumë!”
