Demonstruesit akuzojnë gazetën se po krijon mbështetje për gjenocidin ndërsa shtohen masat e sigurisë përreth ndërtesës në Manhattan.
Protestues pro-palestinezë u mblodhën të martën para selisë së gazetës “The New York Times” në New York, për të kundërshtuar pasqyrimin e gazetës lidhur me gjenocidin e Izraelit në Gaza dhe pushtimit të territoreve palestineze dhe libaneze, transmeton Anadolu.
“New York Times, ju jeni gënjeshtarë”, brohoritën demonstruesit para hyrjes së ndërtesës, duke e akuzuar gazetën për njëanshmëri në pasqyrimin editorial të ngjarjeve.
“Pëlqimi për gjenocidin fabrikohet këtu”, shkruhej në një pankartë të madhe të mbajtur nga turma.
Demonstruesit, të cilët valëvitnin flamuj palestinezë dhe mbanin kefije, shpërndanë fletushka për kalimtarët ndërsa një baterist shoqëronte brohoritjet kundër raportimit të gazetës.
Forcat e rendit shtuan masat e sigurisë në perimetrin e ndërtesës në Manhattan.
“The New York Times” nuk kishte komentuar publikisht protestën.
Izraeli po kryen gjenocid në Gaza që nga tetori i vitit 2023 ndërsa vazhdon pushtimin e territoreve në Bregun Perëndimor. Në Liban, Izraeli aktualisht mban një të ashtuquajtur “zonë sigurie” në jug të vendit, të cilën Libani dhe OKB-ja e cilësojnë si pushtim në kundërshtim me kornizën e armëpushimin.
