Kryeministri izraelit Benjamin Netanyahu iu drejtua opinionit publik duke deklaruar se Izraeli i ka shkaktuar “dëme serioze” objekteve bërthamore iraniane gjatë sulmeve ajrore në dy ditët e fundit.
Ai tha se vendi i tij “do të godasë çdo vendndodhje dhe objektiv të Iranit”.
“Ne i kemi dhënë një goditje shumë të rëndë objektit kryesor iranian për pasurimin e uraniumit dhe, nëse do të jetë e nevojshme, do ta godasim sërish”, tha ai.
Netanyahu theksoi se ekziston kërcënimi nga raketat balistike, por se janë marrë masa për të shkatërruar kapacitetet iraniane për prodhimin e tyre.
“Shumë shpejt do të shihni avionët e Forcave Ajrore Izraelite mbi qiellin e Teheranit. Do të godasim çdo objektiv të atij regjimi”, deklaroi Netanyahu, duke shtuar se sulmet e deritanishme “nuk janë asgjë në krahasim me atë që do të ndodhë në ditët në vijim”.
Times of Israel njofton gjithashtu se sonte në orën 22:00 është caktuar një takim i kabinetit të sigurisë së Izraelit në një bunker nëntokësor për shkak të sulmeve të vazhdueshme ndaj Iranit.
