Fituesi i zgjedhjeve në Hungari, Péter Magyar, iu përgjigj pyetjeve të mediave në një konferencë për shtyp dhe komentoi edhe për hartat e ashtuquajtura të “Hungarisë së Madhe”, të cilat Viktor Orbán i kishte mbajtur për vite me radhë në zyrën e tij.
Magyar iu përgjigj edhe një pyetjeje të mediave kroate dhe foli për drejtorin e MOL-it, Zsolt Hernádi, i cili është dënuar në Kroaci.
“Të dyja palët janë përgjegjëse në rastin MOL-INA. Para se të them diçka, duhet të shqyrtoj dokumentet konfidenciale, pasi besoj se gjykatat hungareze nuk e kanë ekstraduar Hernádin me arsye. Gjithashtu, faj i Orbánit është që marrëdhëniet hungarezo-kroate janë ftohur,” u shpreh ai.
Magyar iu përgjigj edhe pyetjes së N1 Kroacia nëse do ta mbajë në zyrën e tij hartën e “Hungarisë së Madhe”, e cila kishte shkaktuar shumë polemika gjatë qeverisjes së Orbánit.
“Hungaria ka histori. Nuk do ta mohoj që hungarezët e kujtojnë historinë e tyre dhe atë kohë si një epokë të artë. Nuk shoh asgjë të keqe në ato harta. Nuk mendoj se është revizionizëm nëse dikush i mban apo i vendos në mur simbole të tilla. Duhet të shikojmë drejt së ardhmes dhe të përmirësojmë marrëdhëniet tona,” përfundoi Magyar.
