KRYETARI I YTB-SË TURUS: NUK MUND TË SHPËRFILLËT VULLNETI I TURQVE TË TRAKISË PERËNDIMORE!
Mesazh nga Kryetari i YTB-së, Hadi Turus për Trakinë Perëndimore: Turus reagoi ndaj praktikës së “myftiut të emëruar” nga Greqia, duke theksuar se po shpërfillet e drejta e pakicës turke për të zgjedhur udhëheqësit e saj fetarë dhe se kjo bie ndesh me të drejtën ndërkombëtare.
Zhvillimet e fundit në Trakinë Perëndimore tregojnë qartë se një nga të drejtat më themelore të bashkëkombësve tanë – liria për të zgjedhur udhëheqësit e tyre fetarë – po vihet sërish në shënjestër nga autoritetet greke. Në Rodop dhe Ksanti, duke shpërfillur vullnetin e pakicës turke, është nisur procesi i “myftiut të emëruar”, që përbën një imponim të papajtueshëm me vlerat demokratike dhe të drejtën ndërkombëtare.
Institucioni i myftiut është shtylla kryesore e identitetit shpirtëror dhe unitetit shoqëror të komunitetit turk në Trakinë Perëndimore. Çdo ndërhyrje ndaj këtij institucioni cenon vullnetin e popullit dhe dëmton paqen shoqërore. Greqia, e cila deklaron se është shtet ligjor dhe anëtare e Bashkimit Evropian, duhet të respektojë pa kushte autonominë fetare dhe vullnetin zgjedhor të qytetarëve të saj.
Këto emërime përbëjnë një shkelje të qartë të të drejtave të pakicave të garantuara nga Traktati i Lozanës. Proceset e zhvilluara nën petkun e “zgjedhjeve” nuk kanë asnjë legjitimitet në sytë e popullit.
Për turqit e Trakisë Perëndimore, të ligjshëm janë vetëm myftinjtë e zgjedhur me vullnetin e tyre të lirë. Si Kryesi e YTB-së, do të vazhdojmë me vendosmëri të mbështesim në çdo platformë përpjekjet e drejta të bashkëkombësve tanë për mbrojtjen e identitetit, besimit dhe të drejtave themelore.
