Parlamenti i Izraelit miratoi projektligjin që parashikon dënimin me vdekje për të burgosurit palestinezë. Projektligji, i cili ishte miratuar në lexim të parë në vitin 2025, u bë ligj pas miratimit nga kryeministri Benjamin Netanyahu.
Knesset (Parlamenti i Izraelit) miratoi projektligjin kontrovers që parasheh dënimin me vdekje për të burgosurit palestinezë.
Projektligji, i cili shkaktoi reagime në opinionin ndërkombëtar, u miratua në seancën plenare me 62 vota pro dhe 48 kundër.
U pa gjithashtu se kryeministri izraelit Benjamin Netanyahu votoi pro projektligjit që parashikon dënimin me vdekje për palestinezët.
Gjatë votimit final pati përplasje verbale mes deputetit të Partisë Demokratike Gilad Kariv dhe deputetëve të ekstremit të djathtë që mbështesnin projektligjin.
Rezultati i votimit u shpall nga deputetja e partisë së ekstremit të djathtë “Fuqia Hebraike”, Limor Son Har-Melech, e cila është edhe një nga hartueset e projektligjit.
Ministri i Sigurisë Kombëtare, Itamar Ben-Gvir, një nga iniciatorët e ligjit dhe përfaqësues i ekstremit të djathtë, i njohur për politika më agresive ndaj palestinezëve, para votimit deklaroi se “ka ardhur ora e gjykimit”.
Gjithashtu, pas miratimit të ligjit, Ben-Gvir tentoi të festonte në Parlament me shampanjë, por u pengua nga sigurimi.
Ligji për dënimin me vdekje ndaj të burgosurve palestinezë
Sipas ligjit të miratuar, ekzekutimi do të kryhet me varje nga rojet e caktuara nga Shërbimi i Burgjeve të Izraelit. Roja që kryen ekzekutimin do të ketë anonimatin dhe imunitet penal.
Personat e dënuar me vdekje do të vendosen në qendra të veçanta paraburgimi dhe nuk do të mund të vizitohen nga askush përveç personave të autorizuar, ndërsa takimet me avokatin do të realizohen vetëm përmes lidhjes video.
Në projektligj thuhet se dënimi me vdekje mund të jepet edhe pa kërkesë të prokurorisë, pa qenë e nevojshme unanimiteti, dhe vendimi mund të merret me shumicë të thjeshtë.
Gjithashtu, edhe gjykatat ushtarake në Bregun Perëndimor të pushtuar mund të shqiptojnë dënimin me vdekje, ndërsa Ministri i Mbrojtjes ka të drejtë të japë mendim në proces. Në rast se jepet dënimi me vdekje për të burgosurit palestinezë, nuk do të ketë mundësi faljeje apo ankese.
Ndërsa për të burgosurit që gjykohen brenda Izraelit, dënimi me vdekje mund të zëvendësohet me burgim të përjetshëm.
Në ligjin e miratuar thuhet se “vrasja e një izraeliti apo personi që jeton aty, me qëllim mohimin e ekzistencës së Izraelit”, do të konsiderohet si bazë për dënimin me vdekje.
