Ushtarët në Guinea-Bissau kanë njoftuar se po marrin “kontroll të plotë” të vendit të Afrikës Perëndimore, tri ditë pas zgjedhjeve që të dy pretendentët kryesorë presidencialë pretendojnë se i kanë fituar.
Oficerët ushtarakë thanë se po pezullonin procesin zgjedhor të Guinea-Bissau dhe po mbyllnin kufijtë e saj, në një deklaratë të lexuar në selinë e ushtrisë në kryeqytetin Bissau dhe të transmetuar në televizionin shtetëror, shkruan The Guardian, përcjell Telegrafi.
Ata thanë se kishin formuar “komandën e lartë ushtarake për rivendosjen e rendit”, e cila do të sundonte vendin deri në njoftim të mëtejshëm.
Më herët të mërkurën, të shtëna u dëgjuan pranë selisë së komisionit zgjedhor, pallatit presidencial dhe ministrisë së brendshme, megjithëse nuk ishte e qartë se kush ishte përgjegjës.
Marrja e pushtetit nga ushtria është e fundit në një seri grushtesh shteti dhe përpjekjesh për grushte shteti në Guinea-Bissau që kur ajo fitoi pavarësinë nga Portugalia në vitin 1974.
Guinea Bissau 🇬🇼: full statement of Bregadier general Denis N'Canha in which he announces the military has taken full control of the country. pic.twitter.com/uUJtxXXocw
— Thomas van Linge (@ThomasVLinge) November 26, 2025
Të ardhurat mesatare vjetore në vendin me 2.2 milionë banorë ishin vetëm 963 dollarë (rreth 830 euro) në vitin 2024, sipas Bankës Botërore.
