Në prag të balotazhit të 9 nëntorit, kandidati i PDK-së për kryetar të Mitrovicës, Arian Tahiri, ka marrë mbështetjen e partisë turke KDTP, shkruan Gazeta Metro.
“Një hap tjetër i rëndësishëm për të ardhmen e Mitrovicës. Me mikun tim, Ergin Kanin, Kryetar i Kosova Demokratik Türk Partisi (KDTP) në Mitrovicë, sot nënshkruam marrëveshjen e koalicionit dhe mbështetjes për mua në zgjedhjet e 9 nëntorit për Kryetar të Mitrovicës”, tha Tahiri në Facebook.
Kandidati i PDK-së siguroi se ky koalicion do të jetë në të mirë të qytetit të Mitrovicës për katër vitet e ardhshme.
Kandidati i PDK-së siguroi se ky koalicion do të jetë në të mirë të qytetit të Mitrovicës për katër vitet e ardhshme.
“Koalicioni katërvjeçar do të jetë një angazhim i përbashkët për të siguruar që çdo qytetar i Mitrovicës të ketë mundësi të barabarta dhe një të ardhme më të mirë në qytetin tonë. Faleminderit të gjithë qytetarëve të Mitrovicës për besimin dhe mbështetjen! Mitrovica është shtëpia jonë e përbashkët!”, shkroi Tahiri.
Në zgjedhjet e 12 tetorit, partia turke KDTP mori 265 vota në Mitrovicë, komunë kjo ku gara ishte tepër e ngushtë mes dy kandidatëve./gazetametro.net
