Çmimi i arit ka arritur një nivel rekord prej më shumë se 4,000 dollarë për ons, ndërsa investitorët po kërkojnë mundësi të sigurta investimi përballë pasigurisë ekonomike dhe politike globale.
Kjo është rritja më e madhe që ari ka prekur që nga vitet 1970, duke u ngjitur me rreth një të tretën që nga prilli i këtij viti, kur presidenti i SHBA-së, Donald Trump, shpalli tarifat që kanë tronditur tregtinë globale, transmeton klankosova.tv.
Një faktor tjetër që ka ndikuar në këtë rritje të çmimeve, sipas bbc, është dobësimi i dollarit amerikan dhe rritja e investimeve nga individë të zakonshëm (investitorë retail).
Vetëm këtë vit, janë investuar 64 miliardë dollarë në fondet e investimeve që mbështeten nga ari (ETFs).
