– Autoritetet në Francë janë përballur me kritika lidhur me ndërhyrjet policore dhe lëndimet e raportuara mes demonstruesve.
Inspektorati i Përgjithshëm i Policisë Kombëtare të Francës (IGPN) ka nisur katër hetime për dhunë të dyshuar policore gjatë protestave të 17 tetorit, raportoi transmetuesi publik francez Franceinfo, transmeton Anadolu.
Hetimet kanë të bëjnë me incidente ku janë përfshirë efektivë policie gjatë protestave.
IGPN-ja heton rastet e dyshuara të shkeljeve nga pjesëtarët e Policisë Kombëtare.
Hapja e hetimeve vjen pas disa javësh protestash të udhëhequra nga studentët, gjatë të cilave autoritetet janë përballur me kritika lidhur me ndërhyrjet policore dhe lëndimet e raportuara mes demonstruesve.
Më 13 tetor, ministri i Brendshëm, Laurent Nunez, tha se IGPN-ja kishte nisur 36 hetime për incidente të dyshuara që nga fillimi i mobilizimit studentor, përfshirë katër raste që lidhen me “lëndime gjymtuese” dhe gjashtë me “lëndime të rënda”.
Protestat kanë shkaktuar lëndime edhe te pjesëtarët e policisë dhe personeli arsimor, ndërsa autoritetet kanë dalë në mbrojtje të reagimit të tyre ndaj incidenteve të dhunshme gjatë demonstratave.
