Vetëvendosje iu kërkon gjyqtarëve të Kushtetueses të konstatojnë se vendi duhet të shkojë në zgjedhje

Seanca dëgjimore, e Gjykatës Kushtetuese për kushtetutshmërinë e zgjedhjes së qeverisë Hoti, po shkon drejt fundit, ku gjyqtarët e kushtetueses po bëjnë pyetje për palët në këtë seancë.

Në pyetjet e parashtruara nga gjyqtarët, përfaqësuesi i LVV-së, Blerim Sallahu iu kërkojë atyre përveç pavlefshmërisë së zgjedhjes së qeverisë Hoti, të konstatojnë se janë ezauruar gjitha procedurat dhe se vendi duhet të shkojë në zgjedhje të reja.

“Parimisht thash se procedurat e nenit 95 janë ezuruar dhe duhet të shkojmë në zgjedhje. Por nëse më keni kuptuar mirë, unë thash se mbetet në vendimin e Gjykatës se mund të kthejë edhe procedurën para mandatitimti të zotëri Hoti. Kjo është çështje e vlerësimit të Gjykatës Kushtetuese, nuk është pretendim i ynë parësor. Pretendimi ynë është që vendimi i kuvendit është kundër-kushtetues nuk i ka paraparë kushtet ligjore të parapara me nenin 95.3 dhe bazën e kësaj janë ezaruar gjitha procedurat e parapara në nenin 95.pika 4 dhe kësisoj rrjedhimisht duhet të shkojmë në zgjedhje”, tha ai.

Me pyetjet e gjyqtarëve dhe përgjigjet e palëve, pritet edhe të përfundojë seanca e cila ka nisur para katër orë.

Kategoritë
LajmeLajmet KryesoreVendi