Ty moj Qabe e bekuar kur të preka

Ty moj Qabe e bekuar kur të preka

me këto duar që po bëjnë veç dua

edhe më shumë m’u shtua malli për ty

Sa e madhe je, sa e bukur je, Subhanallah.

 

Dhe këto muminë që kanë shumë ngjyra

e në zemër e mbajnë një bjeshkë me iman

qajnë me lotë dhe tretën në lutje

me xhenetine premtuar e harrojnë dynjanë.

 

Ai që e merr këtë udhë shumë të mirë

nga të gjitha anët e planetit që i thonë tokë

është i mbuluar vetëm nga nuri i All-llahut

sa të lumtur jemi këtu, me plot gojën thotë.

 

Në këtë vend s’ka fytyra të mërrolura

e që mund t’i shohësh kudo në botë

e kur e merr ngrykë me dua Arefatin

Më fal mua dhe muminët tjerë o i madhi Zot

 

Dhe tavafin kur e nis ti o shpirtndritur

Me fjalën më të madhe Allahu Ekber

Me Bismilahin dhe të mirat e Qabesë

me sevda dhe i kënaqur me vete i merr.

 

Këtu s’të zë lodhja e as mërzia

që dynjaja na i jep përditë

Të qofshim falë o Allah i Vetëm

më të bekuar nuk bëre tjetër ditë.

 

E ti moj Qabe, që je më e këndshmja

e me gëzim i pret të gjithë këta mysafirë

Na thirr edhe për të tjera herë

kurrë mos na thuaj lamtumirë.

 

Meke, 07.09.2017

Haxhi-2017

Për të shprehur edhe shumë herë mallin

për Qabenë sot po e publikoj këtë poezi,

të cilën e kam shkruar në Meke, më

shtatë (07).09.2017, me rastin e haxhit 2017.

Ali ef.Vezaj

 

30.07.2020

Prizren

Kategoritë
Kulturë

Të ngjajshmet