Turqia vendos ndalesë të pjesshme të lëvizjes për shkak të provimit pranues në universitete

Ndalesa filloi në orën 9:30 të mëngjesit sipas kohës lokale dhe do të përfundojë në ora 15:00.

Turqia vendosi një ndalesë të pjesshme të lëvizjes për ditën e sotme për shkak të provimeve pranuese universitare në mbarë vendin, transmeton Anadolu Agency (AA).

Ndalesa filloi në orën 9:30 të mëngjesit sipas kohës lokale dhe do të përfundojë në ora 15:00, njoftoi Ministria e Brendshme.

Studentët e ardhshëm do të lejohen të përdorin transportin publik për të arritur në vendin e provimit, ndërsa edhe të afërmit e tyre do të lejohen t’i transportojnë me automjetet e tyre.

Gjatë ndalesës, furrat e bukës, tregjet, dyqanet ushqimore dhe mishtoret do të qëndrojnë të hapura.

Turqia së fundmi ka filluar të lehtësojë masat kundër pandemisë së koronavirusit (COVID-19).

Kategoritë
BotaLajme