Turqia: Nëse në Lindje të Eufratit nuk krijohet zona e sigurt, operacioni ushtarak është i pashmangshëm

Nëse zona e planifikuar e sigurt në Siri veriore nuk vendoset dhe nëse kërcënimet ndaj Turqisë do të vazhdojnë, do të nisë një operacion ushtarak, paralajmëroi sot ministri i Jashtëm Mevlut Cavusoglu.

Sipas tij, një operacion ushtarak mund të niste në lindje të lumit Eufrat, transmeton Gazeta e Re.

Turqia dhe Shtetet e Bashkuara janë në bisedime për të krijuar një zonë të sigurt përgjatë kufirit në verilindje të Sirisë, ku SHBA-ja mbështet YPG të cilën Ankaraja e konsideron si zgjatje e PKK-së në Siri, një organizatë terroriste dhe një kërcënim për sigurinë e Turqisë.

Cavusoglu shprehu shpresën se një marrëveshje do të arrihej në bisedimet e sotme në Ankara me të dërguarin e posaçëm të SHBA për Sirinë, James Jeffrey.

Kategoritë
BotaLajme

Të ngjajshmet