Turqia e Greqia gati për luftë në fillimjavë, media gjermane: ja si u parandalua nga Merkel

Kishte një konflikt midis Greqisë dhe Turqisë në Detin Mesdhe rreth ishullit të vogël të Megisti (në greqisht Kastelorizo), dhe një telefonatë nga Kancelarja gjermane Angela Merkel e parandaloi luftën fjalë për fjalë në minutën e fundit, shkruan tabloidi gjerman Bild.

Gazeta deklaron se arsyeja e konfliktit është shpimi i provave në kërkim të naftës dhe gazit që Turqia po kryen në afërsi të ishujve grekë, aty ku Greqia e konsideron zonën e saj ekskluzive ekonomike.

Eshtë një zonë deti prej 200 milje detare rreth këtij ishulli, njoftoi Deutsche Welle.

Anije lufte dhe ushtri në gatishmëri

E përditshmja gjermane zbulon gjithashtu se për shkak të kësaj, 18 anije luftarake turke ishin në rrugën e tyre për në ishullin Megisti të martën në mbrëmje.

Bild gjithashtu deklaron se Greqia e vuri ushtrinë e saj në një gjendje gatishmërie të plotë, por më pas u angazhua në ndërmjetësim kancelarja Merkel.

Ajo fillimisht foli përmes telefonit me Presidentin turk Rexhep Tajip Erdogan, dhe më pas me Kryeministrin grek Kyriakos Mitsotakis. Rezultati: Turqia tërhoqi 16 anijet e saj luftarake, por la dy pranë ishullit, e kjo ende shkaktoi lehtësim nga të dy anët e detit Egje, theksoi Bild.

Sidoqoftë, Tagesspiegel i Berlinit shkruan se nuk ka gjasa që të ketë një kthesë në mosmarrëveshjen për burimet natyrore.

Gazeta shpjegon se të dy palët besojnë se ata kanë të drejtë dhe se po bëjnë thirrje për konventa dhe dispozita të ndryshme brenda ligjit të detit.

Kërkohet gjykimi i palës së tretë

Të dy shtetet duhet të pranojnë që një vendim i qartë nga një palë e tretë e pavarur është e nevojshme dhe urgjentisht duhet t’i drejtohet Gjykatës Ndërkombëtare të Drejtësisë ose Gjykatës Ndërkombëtare të Arbitrazhit.

Merkel, BE dhe NATO do të duhet të bindin anëtarët dhe partnerët e tyre Turqinë dhe Greqinë për ta bërë këtë, përndryshe një konflikt ushtarak kërcënon, i cili tani vetëm është “një të shtyrë”, komenton Tagesspiegel.

Frankfurter Algemeine Zeitung gjithashtu komenton konfliktin midis Greqisë dhe Turqisë në pjesën lindore të Detit Mesdhe dhe thekson se Angela Merkel arriti të devijojë Athinën dhe Ankaranë nga kursi i konfrontimit ushtarak në minutën e fundit. /tesheshi.com/

Kategoritë
BotaLajme

Të ngjajshmet