Transportuesi i parë i avionëve i bërë në Kinë “Shandong” ka kaluar të gjitha testet dhe misionet stërvitore dhe do të jetë gati për luftime deri në fund të vitit.
Transportuesi dhe ekuipazhi i tij u testuan dhe u trajnuan me fokus në situata të vërteta luftarake për 10 muaj, njoftoi Televizioni Qendror Kinez (CCTV), shkruan kineze “Global Times”.
Gjatë testimit dhe trajnimit, u testua mbështetja ajrore, kontrolli i dëmtimit dhe reagimi i emergjencës, tha Admirali Lai Jijun, kapiteni i anijes.
Ai shtoi se ata gjithashtu testuan në mënyrë efektive armatimin e anijes dhe se performanca e transportuesit u përmirësua.
Meqenëse “Shandong” ka qenë në marinën kineze për më pak se një vit, ekzaminimet e performancës së tij dhe mundësitë për përmirësim janë ende duke u zhvilluar, tha Zhang Yongche nga Instituti për Studime Detare të Ushtrisë Kineze. “Global Times” shprehet se anija do të jetë gati për përdorim luftarak deri në fund të vitit 2020.
“Shandong” do të pasohet nga më shumë ushtrime, këtë herë të kombinuara me anije të tjera, aeroplanë, si dhe grupe të tjera sulmuese, thotë Zhang.
Kjo anije është aeroplanmbajtësi i dytë që ka Kina, dhe i pari prodhuar në vetë vendin. Ajo u lançua më 17 dhjetor të vitit të kaluar. Misioni i tij i parë ishte kur ai lundroi përmes Detit Tajvan vetëm shtatë ditë pas nisjes.
Aktiviteti i fundit i madh ishte një stërvitje ushtarake që filloi më 1 shtator dhe zgjati për 22 ditë në Detin Bohai, kur ky transportues bashkëpunoi me avionët e rinj kinezë J-15 që ishin projektuar posaçërisht për të.
