Tomë Gashi thotë se lypsari e ka fyer rëndë

Avokati Tomë Gashi ka thënë se është fyer rëndë nga lypsari në videon e shumëpërfolur, ku Gashi shihet duke ia shqelmuar të hollat atij në sheshin “Nëna Terezë” në Prishtinë.

Në emisionin Info Magazine në Klan Kosova, ai ka shtuar se e ka shqelmuar kutinë e lypsarit, pasi ky i fundit e ka fyer rëndë.

“Këta janë punëtorë të njerëzve me Mercedesa dhe për këtë situatë nuk ka ndërmarrë askush asgjë.

“Me pas goditur unë lypsarin ai nuk do të kishte qëndruar aty hiç. Ju nuk e dini se çfarë ka thënë ai person. Me ta përmend ty nënën si të duket?”.

“Nuk e shoh të arsyeshme të kërkoj falje për goditje të plastikës – kjo më duket budallaki. Ata janë një grup të organizuar prej kriminelëve. Me qindra herë janë thirrur organet kompetente”.

“Atë ditë kam qenë duke ardhur në emisionin Info Magazine dhe gjatë rrugës unë i kam kërkuar lypsarit që të largohet nga aty.  Ato çfarë ai [lypsari] i ka folur ndaj meje, mos të kishte qenë kontrolli im – ai do të kishte përfunduar krejt ndryshe”.

“Shpesh herë kam kaluar aty bashkë me disa pjesëtarë të Policisë dhe të njëjtit kanë thënë se nuk kemi çfarë t’u bëjmë”.

“Ka qenë një situatë e provokuar e cila ka përfunduar në mënyrën më të mirë të mundshme sepse unë nuk jam personi që ka përdorur dhunë. Nëse aty ka pasur dhunë; atëherë unë nuk paskam njohurit se çfarë është dhuna”.

Kategoritë
LajmeVendi

Të ngjajshmet