Thaçi e quajti të rrezikshëm takimin e nesërm në Bruksel, Hoti tha se ata nuk kanë informacion, nuk është i rrezikshëm

Kryeministri, Avdullah Hoti, ka dhënë një deklaratë të fuqishme sa i përket koordinimit me përfaqësues të institucioneve tjera për dialogun.

“Nesër nuk do të diskutohet për asociacionin dhe ju po merren me njerëz që nuk kanë informacion. Nesër nuk është një ditë e rrezikshme për Kosovën”, është shprehur Hoti.

Presidenti, Hashim Thaçi, drejtoi një varg kritikash sa i përket procesit që po zhvillohet në Bruksel, duke e cilësuar si “të rrezikshëm”.

Hoti i ikë përgjigjes për pyetjen në lidhje me akuzat për moskoordinim me Presidentin sa i përket negociatave që po zhvillon.

“Sdua të merrem me deklarimet e tyre. Është humbje kohe të merrem me opinione të pa bazuara poshtë e lartë. Kam kompetencat kushtetuese për të udhëhequr me dialogun. Kam ndërtu platformën për dialog dhe i kam informua partitë parlamentare, Kuvendin dhe dy herë presidentin e shtetit. Ku ka koordinim më të mirë se kaq. Besimi në bartësit e institucioneve është dëmtu për vite me radhë. Është dëmtu kredibiliteti tek institucioneve. S’kam hipoteka ndaj askujt, dhe ose ka me përfundu kjo marrëveshje ose unë nuk jam kryeministër”, është shprehur Hoti.

Këto kometë ai i ka bërë gjatë një diskutimi me shoqërinë civile në lidhje me negociatat për normalizim të marrëdhënieve me Serbinë.

Kategoritë
LajmeLajmet KryesoreVendi

Të ngjajshmet