Terroristi që sulmoi xhamitë në Zelandën e Re do të dënohet më 24 gusht

Terroristi i bardhë supremacist i cili vrau 51 besimtarë në masakrën e armatosur në dy xhamitë në Christchurch do të dënohet muajin tjetër.

Është caktuar data e dënimit të supermacisitit të bardhë i cili kreu masakrën në xhamitë në Christchurch të Zelandës së Re në vitin 2019.

Të shtënat e tmerrshme të 15 marsit të vitit 2019 në xhaminë Al Noor dhe Qendrën Islame Linwood gjatë namazit të xhumasë, lanë të vdekur 51 besimtarë, e cila shokoi të gjithë botën.

Gjykatësi i Gjykatës së Lartë të Zelandës së Re, Cameron Mander tha se terroristi Brenton Tarrant do të dënohet më 24 gusht, raportoi Radio “Zelanda e Re”, duke shtuar se data ishte shtyrë pasi viktimat dhe familjet e tyre jashtë Zelandës së Re nuk mund të ktheheshin në vend për shkak të kufizimeve të COVID-19.

Mander tha se nëse viktimat dhe të afërmit e tyre nuk mund të kthehen në vend në atë datë, atëherë mund që përmes video-konferencës t’u mundësohet atyre pjesëmarrja nga distanca.

Ai shtoi se seanca dëgjimore e dënimit pritet të zgjasë tre ditë, por do të zgjasë aq sa është e nevojshme.

Si pjesë e masave të koronavirusit (COVID-19), kufijtë e Zelandës së Re mbeten të mbyllura për të huajt ndërsa qytetarët dhe personat me qëndrim të përhershëm mund të kthehen, ata do të përballen me një karantinë 14-ditore pas mbërritjes.

Në fillim të këtij viti, Tarrant pranoi fajësinë për 51 akuza për vrasje, 40 akuza për vrasje në tentativë dhe një akuzë për përfshirje në akt terrorist.

Kategoritë
BotaLajme

Të ngjajshmet