Spanjë, e djathta proteston ndaj negociatave me Katalonjën

Mijëra vetë marshuan të dielën në kryeqytetin e Spanjës, Madrid, duke iu përgjigjur thirrjes së partive politike të krahut të djathtë, për të protestuar negocitatat e qeverisë me separatistët katalonjas.

Me flamuj spanjollë në duar, përkrahësit e Partisë Popullore konservatore dhe Vox të së djathtës së skajshme, dolën në rrugët e Madridit për të kërkuar dorëheqjen e kryeministrit Pedro Sanchez, transmeton Gazeta e Re.

Javën e kaluar me kërkesën e separatistëve katalonjas, qeveria e zotit Sanchez ra dakord të emëronte një raporter të pavarur në bisedimet mes partive politike. Politikanët e së djathtës dhe mbështetësit e tyre akuzuan qeverinë për tradhëti, pas këtij veprimi.

Kategoritë
BotaLajme

Të ngjajshmet