Forcat e sigurisë morën masa përreth institucioneve dhe organizatave të tjera publike në qytet, veçanërisht ndërtesën e Kryeministrisë.
Protestat në Armeni kundër kryeministrit, Nikol Pashinyan, pasi ai e nënshkroi marrëveshjen që pranon humbjen ndaj ushtrisë së Azerbajxhanit në Malësinë e Karabakut, janë duke vazhduar, transmeton Anadolu Agency (AA).
Protestuesit kundër Pashinyanit në kryeqytetin Jerevan, për të penguar punimet e Këshillit Ministror rrethuan ndërtesën e Kryeministrisë.
Forcat e sigurisë morën masa përreth institucioneve dhe organizatave të tjera publike në qytet, veçanërisht ndërtesën e Kryeministrisë.
Ndërkohë përplasje të shpeshta ndodhën përpara ndërtesës së Kryeministrisë midis protestuesve që donin të parandalonin hyrjen dhe daljen e ministrave nga ndërtesa dhe forcave të sigurisë.
Demonstruesit, të cilët bllokuan rrugën përpara daljes së ndërtesës, u përpoqën të parandalonin kalimin e automjeteve zyrtare.
Një automjet zyrtar duke kaluar nëpër polici, lëvizi drejt protestuesve.
Protestuesit sulmuan makinën me topa bore dhe grushte. Disa protestues që u përpoqën të bllokonin automjetin u arrestuan.
Protestuesit nuk u larguan përreth kryeministrisë, edhe pasi përfundoi takimi i Këshillit Ministror nën kryesimin e Pashinyanit.
Protestuesit, të cilët vendosën çadra në Sheshin e Republikës, kaluan natën këtu dhe vazhduan demonstratat e tyre.
“Pashinyan duhet të jetë në burg”
Kandidati i opozitës për kryeministër, Vazgen Manukyan, në deklaratën e tij tha se lufta me Azerbajxhanin vazhdon, duke pretenduar se vetëm faza aktive e luftës ka mbaruar.
“Pashinyan shkatërroi vendin. Ai është fajtor dhe duhet të jetë në burg”, u shpreh Manukyan.
Qytetarët në Armeni më 10 nëntor nisën protestat pasi Pashinyan pranoi humbjen ndaj Azerbajxhanit.
