Politikani gjerman, Andreas Winhart ofendon rëndë shqiptarët: Ata janë hajdutë

Politikani i partisë populiste gjermane AfD, Andreas Winhart, ka shkaktuar zemërim mediatik në Gjermani pasi ai flet për shqiptarët si hajdutë dhe për afrikanët si të sëmurë me tuberkulozë, shkruan albinfo.ch.

Kjo ka ndodhur gjatë fushatës së partisë të ekstremit të djathtë në Bad Aibling.

Kush nuk dëshiron që shqiptarët dhe kosovarët në të ardhmen të vijnë si ndihmës mjekë në “shtëpitë tuaja dhe të pastrojnë dhomat tuaja (duke nënkuptuar vjedhjen), atëherë ju rrethoni partinë AfD”, tha Winhart.

Ai gjithashtu në tubimet publike përdor fjalën “niger” dhe thotë se përmes azilkërkuesve nga Afrika janë shtuar sëmundjet e tuberkulozit dhe SIDËS.

“Unë duhet ta di, kur fqinji im niger puthet ose teshtin, a është i sëmurë ose jo?,” vijon populisti i AfD, duke marrë edhe duartrokitje.

Ndaj deklaratave të tilla kanë reaguar shumë intelektualë gjermanë, por mes tjerash edhe spitali i Rosenheim. Vetëm dy azilkërkues kanë qenë të infektuar me SIDA, thonë nga spitali gjerman. AfD është partia e dytë më e madhe në rajonin e Rosenheim.

Kategoritë
BotaLajme

Të ngjajshmet