Një ish pilot amerikan aeroplani i të cilit u rrëzua mbi Bosnjë dhe Hercegovinë në 1995 dhe i cili mbijetoi gjashtë ditë pa kapur, është emëruar në një pozicion të rëndësishëm në Ministrinë e Mbrojtjes të SH.B.A.
Scott O’Grady, 55 vjeç, është emëruar Zëvendës Sekretar i Mbrojtjes për të qenë i ngarkuar me sigurinë ndërkombëtare.
Në qershor 1995, O’Grady, atëherë kapiten, u bë një hero kombëtar sepse mbijetoi gjashtë ditë në një pyll afër Bihac pasi F-16 i tij u godit nga një raketë.
Piloti, i cili katapultoi nga një lartësi prej gati 7,000 metrash, pësoi vetëm djegie të lehta në qafë. O’Grady atëherë kishte një rezervë të vogël ushqimi me vete por si pilot i trajnuar për situata të tilla ai arriti të mbijetojë duke përdorur frutat e natyrës.
Komanda Detare organizoi një kërkim dhe e tërhoqi atë nga zona e Bihacit në një operacion të rrezikshëm, pasi Serbët e Bosnjës po kryenin një kërkim intensiv për të.
Në vitin 2002, piloti botoi librin “Kthimi me nderime” në të cilin përshkroi mbijetesën e tij në natyrë. Ai mori disa çmime ushtarake dhe u largua nga ushtria në 2001 dhe më pas u bë një sipërmarrës dhe konsulent, sipas një biografie të transmetuar nga Pentagoni.
