Opozita insiston për amnistinë, pushteti kundërshton

Kryeministri Zoran Zaev mbrëmë prerazi hodhi poshtë kërkesën e VMRO DPMNE-së për faljen e personave që ndiqen për ngjarjet e 27 prillit. Qëndrimi nuk u përmend në pjesën e fjalimit për bisedimet e mbrëmshme, por si pjesë e pyetjes së gazetarëve.

“Amnisti, direkte, indirekte, e anashkaluar, nuk kam të drejtë as unë, e as Mickoski, e as askush tjetër në shtetin në të cilin luftojmë për reformën më të rëndësishme në gjyqësor, sundimin e së drejtës dhe që ligji të vlejnë në mënyrë të njëjtë për të gjithë. Kjo është e paparamendueshme. Dhe për gjëra të këtilla, normalisht se nuk mund të bisedojmë. Nuk kemi të drejtë, nuk kemi kurrfarë mandate”, deklaroi Zoran Zaev.

Amnistia „indirekte dhe e anashkaluar“ që e përmendi Zaevi deri tani nuk ishte e njohur si objekt i bisedimeve në opinion. Një pjesë e mediave, duke iu referuar burimeve jozyrtare, tashmë publikuan se bëhet fjalë për kërkesë të VMRO-DPMNE-së për ndryshime në Kodin Penal. Sipas “Dojçe veles” ndryshimet potenciale do të rezultonin me vjetërsimin më të shpejtë të veprave penale nga aktakuzat e PSP-së kundër një pjese të madhe të ish-funksionarëve të partisë. Në këtë mënyrë do të ishin amnistuar në mënyrë të tërthortë.

Burim i mirë informuar nga VMRO-DPMNE-ja për Alsat M konfirmoi se pjesë e bisedimeve me pushtetin janë edhe ndryshimet e Kodit penal dhe se të njëjtat janë dakorduar në kontekst të ndryshimeve të ligjit për financimin e partive politike. Më konkretisht bëhet fjalë për nenin 165-a i cili e rregullon përgjegjësinë për keqpërdorimin e mjeteve për financimin e fushatës politike. Neni i dytë për të cilin kërkohet ndryshim është neni 353 që ka të bëjë me keqpërdorimin e detyrës dhe autorizimeve zyrtare. Burimi jonë pohon se VMRO-DPMNE-ja nuk ka kërkuar uljen e dënimit për përgjegjësinë e individëve për kryerjen e veprave penale sipas këtyre dy neneve. Ajo ka kërkuar që dispozitat ndëshkuese të futen në ligjin për financimin e partive politike dhe më e rëndësishmja, të fshihen pjesët e ligjit që gjenerojnë dënime edhe për vetë partinë politike. Qëllimi, sipas opozitës, është që dënimi për individë që kanë bër ë keqpërdorime të mos shkaktojë edhe mbylljen e partisë.

Alsat M kërkoi qëndrim zyrtarë nga VMRO-DPMNE për atë nëse partia edhe më tej do të kërkojë amnisti për 27 prillin por edhe amnisti “indirekte” për të cilën fliste kryeministri. Deri në këtë moment nuk kemi marrë përgjigje. /AlsatM

Kategoritë
LajmeRajoni

Të ngjajshmet

  • Ahmeti reagon për “veteranët e rrejshëm”

    Kryetari i komunës së Prishtinës, kryeqytetit të Kosovës, Shpend Ahmeti, ka reaguar ndaj publikimeve ku thuhet se 19,000 veteranë të rrejshëm përfshihen në draft aktakuzën e prokurorit Elez Blakaj...
  • Dy milionë muslimanë pritet të nisin Haxhin

    Dy milionë muslimanë pritet të mbërrijnë javën e ardhshme në Arabinë Saudite për pelegrinazhin e përvitshëm të Haxhit. Këtë vit do të marrin pjesë edhe pelegrinët nga Irani, autoritetet...
  • Pesë shpjegime mbi krizën ShBA-Turqi

    Pak muaj më parë, marrëdhëniet mes Uashingtonit dhe Ankarasë i ngjanin qetësisë që i paraprin një stuhie. Shkak ishte mbajtja në burg e një pastori amerikan, që akuzohet se...
  • Divorci dhe liria e grave

    Divorci mund të mos jetë ajo që e dëshirojnë, por çifteve ndonjëherë nuk u mbetet zgjidhje më e mirë. Rekomandohet si opsion, veçanërisht, për t’i shmangur pasojat e mëdha...