MKRS ndalon vazhdimin e punimeve në Kalanë e Novobërdës

Ministria e Kulturës, Rinisë dhe Sportit mbështet plotësisht vendimin e Institutit të Kosovës për Mbrojtje të Monumenteve, për ndërprerjen e të gjitha punimeve në Kalanë e Novobërdës, si rezultat i dëmtimeve në muret e Kalasë në mars 2019.

“Punimet nuk do të lejohen të vazhdojnë deri në pranimin e raportit të detajuar të cilin e presim jo më larg se deri në fillim të javës së ardhshme. Në të kundërtën, marrë në konsideratë gjendjen e krijuar, përfshirë rrethanat tjera të sigurisë së monumentit, jemi të obliguar të ndërmarrim veprime tjera në konsolidim të gjendjes dhe në koordinim me institucionet përgjegjëse të trashëgimisë kulturore dhe të tjera relevante”, thuhet në komunikatën për media të MKRS-së.

Ministri në detyrë Kujtim Gashi u shpreh se mbështet vendimin e IKMM-së dhe ka vlerësuar se është ky hap është i duhur për ta ruajtur dhe mos dëmtuar më tej një objekt jashtëzakonisht të rëndësishëm siç është Kalaja e Novobërdës.

Me gjithë angazhimet dhe konsultimet e deri tanishme, dëmtimet janë evidente edhe në këtë periudhe dhe për këtë arsye Instituti i Kosovës për Mbrojtje te Monumenteve- institucion përgjegjës ka ndaluar punimet.

Kategoritë
Kulturë

Të ngjajshmet