Maqedoni e Veriut, 12 të vdekur dhe 640 raste të reja me COVID-19

Numri i përgjithshëm i të infektuarve ka arritur në 25.473

Maqedonia e Veriut gjatë 24 orëve të fundit ka regjistruar 640 raste të tjera të koronavirusit të ri (COVID-19), me çka numri i përgjithshëm i të infektuarve nga ky virus në vend ka shkuar në 25.473, transmeton Anadolu Agency (AA).

Ministria e Shëndetësisë ka njoftuar se 12 persona të tjerë kanë vdekur nga koronavirusi, duke e çuar në 874 numrin e përgjithshëm të viktimave nga pandemia.

Po ashtu, ministria njoftoi se numri i pacientëve të shëruar është rritur në 18.047, pasi 143 pacientë të tjerë paraprakisht të prekur nga COVID-19 rezultuan negativ në testin për virusin.

Autoritetet shëndetësore të Maqedonisë së Veriut gjatë ditës së kaluar kryen 2.634 teste të dyshuara për COVID-19, ndërsa që nga shpërthimi i pandemisë kanë kryer 229.246 teste.

Aktualisht, numri i rasteve aktive me COVID-19 në vend është 6.552.

Kategoritë
LajmeRajoni

Të ngjajshmet