Kosova rrezikon që të mos marrë vaksina anti-COVID nëpërmjet sistemit të shpërndarjes COVAX deri në maj.
Sipas një përditësimi të ri të skemës COVAX të bërë sot thuhet se shpërndarja e tyre do të bëhet deri në maj të këtij viti.
Kosova do të përfitojë 100 mijë e 800 doza të vaksinave të AstraZenecas, sasi e cila më parë ishte thënë se do të mbërrinte në muajin e dytë të këtij viti.
Kosova është vendi i vetëm në Ballkan që nuk ka siguruar asnjë dozë vaksine, ndërsa në vendet e rajonit tashmë ka nisur edhe procesi i vaksinimit.