Koronavirusi: Ekonomia fundoset – mafia fiton para

Ndërsa ekonomia italiane po fundoset, si rezultat i masave për të parandaluar përhapjen e koronavirusit, mafia ka përfituar nga kjo krizë, raporton e përditshmja zvicerane Blick.

Italia është ndër vendet më të prekura nga koronavirusi në botë dhe pritet që ekonomia e këtij vendi të përballet me probleme serioze në të ardhmen.

Pandemia koronavirus ka zhytur ekonominë italiane në humnerë dhe shumë kompani nuk do t’i mbijetojnë krizës. Krimi i organizuar, megjithatë, i fërkon duart.

“Mafia italiane mund t’i kthejë kërcënimet në mundësi,” tha Giuseppe Governale, kreu i agjencisë antimafia.

Më shumë se 12,000 njerëz në Itali kanë vdekur tashmë nga efektet e virusit korona, dhe ekonomia e tretë më e madhe në eurozonë është shkatërruar. Sipas ekspertëve italianë, 65 për qind e ndërmarrjeve të vogla dhe të mesme përballen me falimentimin. Krimi i organizuar, megjith atë, e ndjen fitimin.

“Duhet të shikoni vetëm portofolin e grupeve mafioze për të parë se sa mund të fitojnë nga pandemia”, tha autori dhe eksperti Roberto Saviano.

“Në dekadat e kaluara, ata kanë investuar në ndërmarrje shërbimi për mensa, pastrim dhe dezinfektim, në riciklimin e mbeturinave, transportin, shtëpitë e varrimit dhe logjistikën për naftë dhe ushqim”, shton ai.

“Mafia do të fitojë para me të,” thotë Saviano, duke kujtuar epideminë e fundit të madhe në Itali.

Kur shpërtheu kolera në Napoli në 1884, më shumë se gjysma e popullsisë vdiq. Shuma e madhe e parave që shpenzoi qeveria për pastrimin dhe rindërtimin hynë direkt në xhepat e fisit të familjes kriminale Camorra, transmeton KosovaPress.

Mafia tashmë po planifikon me kujdes për kohën kur ekonomia do të rindërtohet, thanë gjithashtu hetuesit.

Në të njëjtën kohë, epidemia po e vështirëson luftën kundër krimit të organizuar. Disa gjithashtu kanë frikë nga rebelimet e nxitura nga mafia. Shërbimi sekret ka paralajmëruar qeverinë për trazira të mundshme në jug të Italisë nëse epiqendra duhet të lëvizë atje, shkruan gazeta “La Stampa”.

Sipas organizatës Antigone, e cila punon për të drejtat e të burgosurve, më shumë se 2.500 të burgosur janë liruar që nga fundi i shkurtit me qëllim të zvogëlimit të mbipopullimit të institucioneve dhe kështu rrezikut të infeksionit. Midis tyre janë të burgosur të lidhur me Ndrangheta, thotë prokurori Gratteri.

“Ky është shumë shqetësues dhe një rrezik i vërtetë,” shprehet ai.

Kategoritë
Të ndryshme

Të ngjajshmet