Jericho lanson këngën “Ëndërr e Prerë”, frymëzuar nga poezia e Agollit

Jericho lanson këngën “Ëndërr e Prerë”, frymëzuar nga poezia e Agollit

Rockgrupi Jericho ka lansuar këngën “Ëndërr e Prerë” me titull nga poezia e Dritëro Agollit.

Kënga përmban vargjet e recitalit “Ëndërr e prerë”, ndërkaq videoklipi i kësaj kënge është realizuar në bashkëpunim me aktorin Xhevdet Doda, shkruan Koha.net.

Në përshkrimin e këngës së postuar në kanalin zyrtar të Jerichos në Youtube, tregohet se muzikën për këtë këngë e ka bërë vetë Petrit Çarkaxhiu. Vargjet e recitalit nga poezia e Dritero Agollit “Ëndërr e Prerë”

Orkestrimi i harqeve dhe korit është bërë nga Trimor Dhomi, ndërsa në vokal e kitarë është Petrit Çarkaxhiu, kitara e parë Leonard Canhasi, në bas kitarë Edi Gjinolli dhe në bateri Visar Rexha. Për këtë këngë Jericho ka bashkëpunuar edhe me korin Okteti +.

Përmes një postimi në rrjetin social Facebook, para disa ditëve frontmeni i rockgrupit të njohur kosovar, Petrit Çarkaxhiu, pati thënë se kënga i dedikohet situatës politike në vend derisa ishte shprehur se rrugëtimi i Kosovës nga viti 199 deri në 2019 është i trishtueshëm.

Këto janë disa nga vargjet e këngës:

“Mos vdis në dhomën e heshtur i shtrirë

Është turp kaq shpejtë të rrish e të vdesësh

Ne ëndërronim një vdekje më të mirë

Duke vdekur fytyrat tona ti shihnim në pikën e vesës”.

“Tomlin e Nones” është kënga hit e këtij grupi që ishte inspirim nga poezia e “Mes dy Qytetërimeve” të Ali Podrimës.

“Nëntor i Ftohtë”, “Kur do t’pushojë kjo kangë”, e “Shkaba” janë disa prej këngëve më të njohura të Jerichos.

Kategoritë
Kulturë

Të ngjajshmet