Ja kush pritet ta zëvendësoj Messin tek Barcelona

Ernesto Valverde ka ftuar te skuadra e Barcelonës për takimin me Real Betisin në La Liga 16-vjeçarin Ansu Fati, ndeshje e cilia zhvillohet sonte në mbrëmje.

Fati, i cili luan si sulmues në skuadrën e të rinjve të Barcës, Juvenil A, është stërvitur me ekipin e parë vetëm javën që lamë pas.

Lëndimet e Lionel Messit, Luis Suarez dhe Ousmane Dembele kanë krijuar hapësirë në skuadrën e Valverdes, dhe të rinjtë si Fati dhe Abel Ruiz duhet ta justifikojnë besimin e trajnerit.

Sipas Mundo Deportivo, Fati i është bashkuar akademisë La Masia në vitin 2017.

Nëse Fati luan kundër Betisit të dielën, ai do të bëhet lojtari i dytë më i ri që paraqitet për Barcelonën në një ndeshje zyrtare në histori të klubit.

Vincente Martinez është lojtari më i ri që është paraqitur ndonjëherë për Barçën, ndërsa Messi vjen i pesti në listë.

Kategoritë
Sport

Të ngjajshmet