Investimet e Turqisë në 2021, “dorëzohet” dhe FMN: 16 miliardë euro për 3,000 projekte

Programi i investimeve i Turqisë 2021, i nënshkruar nga Presidenti Rexhep Tajip Erdogan, përmban më shumë se 3,000 projekte me vlerë 138.3 miliardë lira turke, raporton TRT.

Dekreti Presidencial për Programin e Investimeve për vitin 2021 dhe zbatimi i tij u botua në Gazetën Zyrtare të Republikës së Turqisë.

Programi përfshiu projekte të institucioneve të ndryshme, organizatave në procesin e privatizimit, fondeve të rinovimit dhe organizatave të sigurimeve shoqërore. Projektet e qeverisjes vendore janë përfshirë në program.

Për projektet e administruara nga institucionet publike në vitin 2021, gjithsej 3,091, janë ndarë gjithsej 138,3 miliardë lira.

Nga Programi i Investimeve për vitin 2021, pjesa më e madhe prej 30.7 përqind e investimeve shkoi në sektorin e transportit dhe komunikimit.

Pjesa e investimeve në arsim është 14.3 përqind, investimet në energji 12.2 përqind, në miniera 10.4 përqind, investimet në bujqësi 8.7 përqind dhe investimet në shëndetësi 7.5 përqind. Pjesa e përgjithshme e sektorëve të tjerë si prodhimi, turizmi, strehimi, uji i pijshëm dhe kanalizimi, kërkimi teknologjik dhe mjedisi është 16.2 përqind.

Fondi Monetar Ndërkombëtar vlerësoi efektet e ekonomisë turke. Në një deklaratë të lëshuar të hënën në mbrëmje, FMN tha se ekonomia turke pritet të rritet pozitivisht me 6 përqind për vitin aktual (2021).  /tesheshi.com/

Kategoritë
BotaLajme