I kthen kuletën e humbur me 1400 euro, ja sa i jep shpërblim pronari

Dje një djalë gjeti në një nga plazhet e Sarandës një kuletë të mbushur me para dhe bëri ç’bëri, ia dorëzoi të zotit.

Ai tregoi se kuletën e kishte gjetur pranë një shkurreje në Ksamil dhe se nuk u mendua dy herë, por ia dhapronarit, edhe pse brenda në të ndodhej një shumë e konsiderueshme parash.

Ndërkaq, surpriza ishte e madhe edhe për vetë djalin që bëri veprimin për t’u marrë shembull. Ishte i zoti i kuletës ai që e shpërbleu më së miri, duke fituar kështu jo vetëm një mik më shumë, por edhe disa para, falë gjestit që kreu.

“Ky është shpërblimi që mora nga zotëria. Janë plot 650 euro, 100 franga dhe 50 mijë lekë shqiptare. Dmth zotëria më dha gjysmat e shumës së gjetur dhe në fund të fundit bëra një mik të mirë. Nuk më intereson shumë shpërblimi që ai më dha, se të isha keq për ato lekë, nuk ia kisha kthyer. Doja t’u bëja thirrje të gjithë shqiptarëve nëse do u vijë një rast i tillë në dorë, mos u nxitoni t’i mbani lekët për vete, sepse aq lekë nuk u bëjnë të pasur. Mund të fitoni një mik të mirë që mund t’ju hapë dyert për çdo problem që të keni, siç ndodhi në rastin im. Zotëria më dha një mundësi të mirë për të punuar në Zvicër në kompaninë e tij, në një pozicion shumë të mirë pune, vetëm prej gjestit që bëra”, – tregon djali.

Kategoritë
Të ndryshme

Të ngjajshmet