Pjesëmarrja në MasterChef Junior e kishte ndihmuar 14 vjeçarin të kapërcente tragjedinë familjare që po përjetonte pasi babai i qëlloi dhe i vrau nënën dhe më pas bëri vetëvrasje.
Gjyshja dhe xhaxhai i Ben Watkins u bënë kujdestarët e tij ligjorë.
Kur ai ishte vetëm 11 vjeç, u bë pjesë e Fox MasterChef Junior, dhe për disa muaj u bë ylli i programit më të ndjekur në SHBA.
Në vitin 2019, fatkeqësisht, ai u diagnostikua me një tumor në indet e buta shumë të rrallë. Të hënën, “shefi i vogël” ndërroi jetë, me një ëndërr në sirtar: të hapte një furrë buke dhe një restorant të tij.
“Ai kurrë nuk është ankuar. Ben ishte dhe do të jetë gjithmonë personi më i fortë që njohim. Superheroi ynë”, tregoi xhaxhai i tij.
Përkundër tragjedisë dramatike të familjes së tij, ai kishte arritur të qëndronte optimist dhe aktiv.
I gjithë vendi u sensibilizua pas lajmit të dhimbshëm dhe u arrit që të grumbullohej mbi 30 mijë dollarë, si fond besimi për të.
Beteja e tij më sëmundjen, zgjati një vit e gjysmë, raporton BBC.
