Haskuka i pa ndalur, vazhdon luftën kundër ndërtimeve pa leje, pamje të reja nga “Abi Çarshia”

Drejtoria e Inspektorateve sot ka zhvilluar aksionin për rrënimin e pjesës pa leje të objektit të qendrës tregtare, “Abi Çarshia “në rrugën “Tirana”.

Aksioni i nisur rreth orës 10:00, ka zgjatur gjatë tërë ditës për shkak të presioneve dhe pengesave të vazhdueshme për ndalim të punimeve.

Prizren-DirektInspektorati i Prizrenit në aksion për lirimin e pronës pa leje tek “Abi Qarshia”

Publiée par RTV BESA sur Vendredi 19 juillet 2019

Inspektorati ka pasur aksion për rrënimin e objektit të njëjtë edhe në muajin gusht të vitit të kaluar, kur objekti ka qenë në ndërtim e sipër. Por pas ndërhyrjes, me vendim të Ministrisë së Mjedisit dhe Planifikimit Hapësinor, Inspektorati është detyruar të mos merr asnjë veprim derisa të bëhet revidimi i lejes nga ana e investitorit. Por pasi që investitori përsëri nuk ka mundur të pajiset me leje për shkak se në atë zonë është paraparë plani rregullues i hollësishëm, dhe në të njëjtën kohë kanë vazhduar punimet në mënyrë ilegale për ndërtim të objektit, Inspektorati është obliguar të rimerr vendimin për rrënim.

Vendim për rrënimin e sotëm të objektit është marrë nga Drejtoria e Inspektorateve dhe për këtë është njoftuar dhe është kërkuar me shkresë zyrtare asistimi edhe nga ana e Policisë.

Gjithashtu prezentë gjatë aksionit të sotëm kanë qenë edhe përfaqësuesit e mediave, të cilët kanë dëshmuar në disa raste pengimin e personave zyrtarë në kryerjen e detyrës zyrtare.

Komuna Prizrenit është e vendosur ta zbatojë rendin dhe ligjin në gjithë territorin e komunës, pa përjashtim.

Pamjet nga aksioni:

 

Kategoritë
LajmeVendi

Të ngjajshmet