Seanca e parë për rigjykimin e ministres së Punëve të Jashtme dhe Diasporës, Meliza Haradinaj, e paraparë për sot, është shtyrë për shkak të pandemisë.
Avokatja Merita Emini Stublla, përmes një parashtrese e ka njoftuar gjykatën se klientja e saj ka pasur kontakt me një person që ka rezultuar pozitiv me COVID-19, për çka dhe nuk ka mundur të jetë prezente në gjykatë.
Edhe vetë ministrja ka shkuar në Twiiter se është testuar gjatë ditës dhe se po e pret rezultatin.
Haradinaj-Stublla akuzohet për veprën penale mosdeklarim i pasurisë.
Ajo ishte dënuar me tetë muaj me kusht në shkallën e parë, por në shtator të këtij viti, Gjykata e Apelit e ka kthyer në rigjykim rastin, pasi kishte gjetur “shkelje esenciale të dispozitave të procedurës penale”.
