Kandidati për president njëherit edhe kreu i AAK-së, Ramush Haradinaj, ka kujtuar takimin me presidentin Biden.
Haradinaj ka postuar në profilin e tij në Facebook një video nga takimi i para disa viteve me Biden, duke thënë se Presidenti Biden është mik i Kosovës dhe se ka pas fatin ta njoh dhe të ndërtojë miqësi me të . “Presidenti Biden është mik besnik i Kosovës dhe unë pata nderin të ndërtoja një miqësi personale me të, bazuar në besim dhe respekt, shumë vite më parë”, ka shkruar Haradinaj.
Ai tha se Kosova ka nevojë për një partneritet të fortë me Amerikën “Më shumë se kurrë Kosova ka nevojë për një partneritet të fortë me Amerikën. Si President nuk do të lejoj askënd ta dëmtojë këtë besim dhe miqësi, por do të forcojë edhe më tutje lidhjet me aleatët tanë për një Kosovë të fortë e të sigurt”, tha Haradinaj.
